ان لله وان اليه راجعون..
كان في ام اجنبيةوايد متعذبة في صغرها لان حلجها ما شا الله وايد عود وحلو !!! وكانت ربيعاتها وايد يعايبن عليها كانت كل يوم اترد من المدرسة وهي تصيح.. فتعقدت ولما كبرت بدت تيمع سجاجين وخناير ومسدسات وهاي السوالف إلخ.. كانت تمثل وكان تمثيلها وايد حلو لكن هي ما تمثل في اي فلم بس في افلام اكشن ومرة مثلت في فلم مال الخطف كان دورها ان عيالها ينخطفون.. هي في البداية ما كانت تبغي تمثل لان عندها عيال وهي خايفة عليهم لكن هي قبلت علشان ريلها وايد كان يلح عليها.. المهم وعقب ما خلصت تصوير كانت وايد تخاف على عيالها لدرجة انها ما كانت اتخليهم يلعبون في الحوي ( الحوش). كانوا كل في حضنها (تعرفون بعد خوف الام) كانت كل يوم تروح عند ريلها وتيلس تصيح وتصيح. وعقب شهرين ريلها طلعها وداها المطعم لان هم من متى ماطلعو وخلت عيالها عند المربية وشلت بس البنت الصغيرة وخلت التوم في البيت.. فتعشت وكان ريلها وايد فرحان بس هي كل فكرها كان في عيالها ولما ردت البيت شافت الليت مبطل وعقب ما فتحت الباب شافت البيت كله مجلوب والغنفات والطاولات كلها مجلوبة فوق حدر!!! وهي ما فكرت في البيت بس فكرت في عيالها فيلست اتدورهم مثل المينونة في البيت وتصيح الين ما داخت وطاحت ودوها المستشفى وعقب ما ردت البيت يلست اتدور وتدور والمصيبة ان مب واحد اللي انخطف الثنين وبعد اعمارهم ما بين السنة والتسع شهور..
ولين الحين ما حصلت عيالها وهي كل يوم تقوم من الرقاد وتدورهم وتيلس اتصيح في حضن ريلها وتيلس اتقول ان ريلها هو السبب في خطف عيالها ..
اانا ما اقدر اوصفلكم شعورها لكن اتمنى انكم تفهمونها!!
الإثنين ديسمبر 01, 2008 12:13 am
